Ato no hahitanao ny fepetra aman-tsata mifandraika manokana amin'ireo Mpandray Anjara amin'ny Bug Bounty Program-nay. Tokony hovakina miaraka amin'ny Fepetra Ankapoben'ny Mpiara-miasa Amin'ny Orinasa (ilay “Fepetra Ankapobe”) ireo fepetra ireo. Ny teny rehetra voafaritra ampiasaina ao amin'ireto Fepetra momba ny Bug Bounty Program dia manana ilay dikany nomena azy ao amin'ny Fepetra Ankapobe.
1. Fampahafantarana
1.1. Ireto fepetra ireto dia mifehy ny fandraisanao anjara an-tsitrapo ao amin'ny programan'ny Deriv momba ny Bug Bounty, izay manome fanentanana ho an'ireo mpandray anjara mba hahitana sy hitatitra fahalemena na bug ao anatin'ny rafitra na tambajotra fampiasana (software) an'ny Deriv, ho takalon'ny valisoa ara-bola (ilay “Programa”). Rehefa mitatitra fahalemena mifandraika amin'ireo tolotra tambajotra an'ny Deriv aminay ianao, na mandray anjara amin'ny Programa amin'ny fomba hafa, dia manaiky ianao fa novakinao sady nekenao ireto fepetra ireto.
1.2. Ekenao fa tsy fifaninanana ny Programa fa programa valisoa miompana amin'ny fanandramana sy ny fahefana hisafidianana.
2. Sakana
2.1. Voalaza antsipiriany ao amin'ny Pejin'ny Programa ny sakan'ny Programa. Raha tsy azonao antoka hoe mihoatra ny sakan'ity Programa ity ny votoaty sasany, dia alefaso mailaka any amin'ny security@deriv.com alohan'ny hanaovanao fanandramana fitsapana, mba hanamarinana izany.
3. Mpandray anjara mendrika
3.1. Tsy afaka handray anjara amin'ny Programa ianao raha:
3.1.1. Tsy mamela anao handray anjara amin'ireo karazana programa ireo ny mpampiasa anao na ny fikambanana iasanao;
3.1.2. Mpiasanay na mpiasan'ny iray amin'ireo orinasa ao anatin'ny vondronay ianao, na efa mba mpiasa teo aloha;
3.1.3. Havanan'ny mpiasanay akaiky ianao, na havanan'ny mpiasa teo aloha nataonay na nataon'ny iray amin'ireo orinasa ao anatin'ny vondronay.
3.2. Raha fantatray na manana antony hiahiahianay fa mifanaraka amin'ny iray amin'ireo fepetra voalaza etsy ambony ianao, dia tehirizinay ny zo hanala anao amin'ny Programa sy hanafoana ny saran'ny takaitra (bounty) rehetra naloa ho anao.
4. Valisoa mety ho azo
4.1. Tehirizinay ny zo hamaritra raha mendrika hahazo valisoa ny tatitra momba ny fahalemena nalefa. Tanteraka eo am-pelatananay irery ihany ny fanapahan-kevitra ny amin'ny handoavana na tsy handoavana valisoa.
4.2. Farany ny fanapahan-kevitray momba ny vola bounty omena.
4.3. Ny fari-bidin'ny bounty dia miankina amin'ny sokajiny sy ny maha-zava-dehibe ny angona voakasik'izany, ny hamoranan'ny famonjena tombony avy amin'ny fahalemena, ary ny risika mety hitranga amin'ny mpanjifanay sy ny marika (brand) raha toa ka faritan'ny ekipan'ny Security fa fahalemena ara-piarovana marina ilay notaterina.
5. Fepetra takiana amin'ny fampidirana bug
5.1. Tsy maintsy manaraka ireto toro-marika manaraka ireto ny fanolorana ataonao:
5.1.1. Omeo famaritana feno ny fahalemena notaterinao, ao anatin'izany ny fomba fampiasana azy sy ny vokany.
5.1.2. Omeo porofo sy fanazavana momba ireo dingana rehetra ilaina hamerenana indray ny fanolorana, izay mety hahitana:
5.1.2.1. Horonantsary;
5.1.2.2. Sary azo tamin'ny efijery;
5.1.2.3. Kaody fampiasana (Exploit code);
5.1.2.4. Rakitry ny fifamoivoizana (Traffic logs);
5.1.2.5. Fangatahana sy valiny Web/API;
5.1.2.6. Adiresy mailaka na ID mpampiasa amin'ny kaonty fitsapana; ary/na
5.1.2.7. Ny adiresy IP nampiasaina nandritra ny fitsapana.
5.2. Mety hahatara na hampidi-doza ny fandoavana ny bounty raha misy tsy fahatanterahan'ireo singa voalaza etsy ambony.
6. Fampahafantarana angon-drakitra manan-tsiny
6.1. Manaiky ianao fa tsy hiresaka momba ireo fahalemena hita (na dia ireo efa voavaha aza) any ivelan'ny Programa raha tsy nahazo fankatoavana an-tsoratra avy aminay.
6.2. Manaiky ianao fa hanaraka ny toro-marika fampahafantaran'i Deriv. Raha mino ianao fa nahita fahalemena ara-piarovana, mba ataovy azafady ny fitaterana azy miaraka amin'ny fanazavana feno mifanaraka amin'ireo toro-marika momba ny fanolorana voalaza ao amin'ny Andininy faha-5 etsy ambony.
7. Fahazoan-dàlana
7.1. Omenao anay amin'izao fotoana izao ny lisansa tsy mitaky saram-pifampiraharahana (royalty), voaloa tanteraka, maharitra mandrakizay, tsy azo foanana, miavaka, manerantany, azo afindra, ary azo lisansaina indray, mikasika ny tatitra sy ny fanehoan-kevitra omenao anay. Manaiky ianao fa manana zo tsy voafetra izahay hampiasa ilay tatitra sy ny fanehoan-kevitra. Tsingizinay ny zonay tsy hampiasa ny sasany na ny rehetra amin'ireo zavatra omenao anay. Mamoy zo amin'ny fanonerana ianao noho ny fampidirana ireo rakitra na fanehoan-kevitra omenao anay momba ny vokatra sy ny tolotray.
7.2. Takatrao sy ekenao koa fa mety efa namolavola na nangataka famolavolana rakitra mitovy na mitovitovy amin'ny fanolorana izahay, ary mamoy zo amin'ny fitarainana mety hiseho avy amin'ireo fitoviana amin'ny fanolorana ianao. Takatrao fa tsy voantoka ny fanonerana na ny fankasitrahana noho ny fampiasana ny fanolorana.
7.3. Manambara sy miantoka ianao fa asanao manokana ny fanolorana, tsy nampiasainao ny fampahalalana an'ny olona na fikambanana hafa, ary manana zo ara-dalàna ianao hanome anay ny lisansa voalaza ao amin'ity Andininy faha-7 ity.
8. Ny adidinao
8.1. Tsy azonao atao ny mandray anjara amin'ny Programa raha tsy manaraka ny lalàna, fitsipika, ary fepetra rehetra manan-kery ianao amin'izany. Ianao no tompon'andraikitra amin'ny fahafantarana ny lalàna eo an-toerana misy anao sy ny fanarahana azy ireny, satria mety misy fameperana fanampiny apetrak'izany amin'ny fandraisanao anjara amin'ny Programa.
8.2. Ianao no tompon'andraikitra amin'ny voka-dratsy ara-hetra mety hitranga noho ny fandraisanao anjara amin'ny Programa, izay miankina amin'ny firenena ipetrahanao sy ny zom-pirenenao.
8.3. Tsy tokony hanakorontana na handoto angon-drakitra tsy anao ny fitsapanao.
8.4. Tsy azonao atao ny mizara votoaty na haitraitra tsy mendrika.
8.5. Tsy azonao atao ny mitsabaka amin'ny zon'ny olon-kafa na handray anjara amin'ny hetsika manitsakitsaka ny tsiambaratelon'ny hafa.
8.6. Tsy azonao atao ny mandray anjara amin'ny hetsika manimba anay, ny Programa, na ny hafa (ao anatin'izany ny famindrana viriosy).
