ឯកសារនេះគឺជាផ្នែកមួយនៃកិច្ចព្រមព្រៀងរវាងលោកអ្នកនិង Deriv ហើយគួរអានរួមជាមួយនឹងលក្ខខណ្ឌប្រើប្រាស់ទូទៅ សម្រាប់អតិថិជន (“លក្ខខណ្ឌទូទៅ”)។ ពាក្យនិយមន័យណាមួយដែលប្រើក្នុងលក្ខខណ្ឌបន្ថែមទាំងនេះ នឹងមានន័យដូចបានផ្ដល់ក្នុងលក្ខខណ្ឌទូទៅ។
1. សេចក្ដីផ្ដើម
1.1. លក្ខខណ្ឌបន្ថែមទាំងនេះអនុវត្តចំពោះអតិថិជនទាំងអស់ដែលមានគណនីជាមួយ Deriv (FX) Ltd (លេខក្រុមហ៊ុន LL13394)។
1.2. ប្រសិនបើមានភាពមិនស៊ីគ្នា ឬភាពខុសគ្នារវាងលក្ខខណ្ឌបន្ថែមទាំងនេះ និង/ឬឯកសារផ្សេងទៀតណាមួយដែលជាផ្នែកមួយនៃកិច្ចព្រមព្រៀង លក្ខខណ្ឌបន្ថែមទាំងនេះនឹងត្រូវអនុវត្តជាចាំបាច់ចំពោះគណនីរបស់លោកអ្នកជាមួយ Deriv (FX) Ltd។
1.3. Deriv (FX) Ltd មានអាជ្ញាបណ្ណក្រោម Labuan Financial Services and Securities Act ដើម្បីដំណើរការអាជីវកម្មជាអន្តរការីរូបិយវត្ថុពី ឬតាមរយៈ Federal Territory of Labuan ប្រទេសម៉ាឡេស៊ី ដែលទទួលបានការអនុញ្ញាត និងត្រួតពិនិត្យដោយ Labuan Financial Services Authority។
2. ការអនុវត្តការបញ្ជាទិញ
2.1. អនុលោមតាមលក្ខខណ្ឌអាជ្ញាប័ណ្ណរបស់យើង យើងធ្វើសកម្មភាពជាភ្នាក់ងារក្នុងនាមលោកអ្នកនៅពេលយើងអនុវត្តការបញ្ជាទិញរបស់លោកអ្នក ហើយយើងមិនមែនជាគូភាគីនៃការជួញដូររបស់លោកអ្នកនោះទេ។
2.2. នៅពេលការបញ្ជាទិញមួយត្រូវបានដាក់ដើម្បីទិញ ឬលក់ឧបករណ៍មួយនៅលើគណនី Deriv MT5 របស់លោកអ្នក ការបញ្ជាទិញរបស់លោកអ្នកនឹងត្រូវបានបញ្ជូនទៅកាន់អ្នកផ្ដល់សន្ទនីយភាព ដែលផ្ដល់សេវាកម្មដល់យើង។ យើងមិនធ្វើការកាន់កាប់ទីតាំងណាមួយលើការជួញដូររបស់លោកអ្នកនោះទេ។
2.3. យើងត្រូវបានតម្រូវឱ្យធ្វើការត្រួតពិនិត្យស៊ើបអង្កេតលើអ្នកផ្ដល់សន្ទនីយភាពទាំងអស់ និងធានាថាវេទិកាដែលយើងប្រើប្រាស់ត្រូវបានត្រួតពិនិត្យដោយអាជ្ញាធរត្រួតពិនិត្យ ឬអាជ្ញាធរគ្រប់គ្រងដែលទទួលស្គាល់។
