ជួញដូរទំនិញ

អត្ថប្រយោជន៍នៃការជួញដូរទំនិញរួមមាន៖ ការធ្វើពិពិធកម្មផលប័ត្រ៖ ទំនិញជាច្រើនតែងតែមានទំនាក់ទំនងទាបជាមួយទ្រព្យសកម្មហិរញ្ញវត្ថុបែបប្រពៃណីដូចជាភាគហ៊ុន និងមូលបត្របំណុល។ ការបន្ថែមទំនិញទៅក្នុងផលប័ត្រជួញដូរអាចជួយធ្វើពិពិធកម្មហានិភ័យ និងកាត់បន្ថយភាពប្រែប្រួលទាំងមូលនៃផលប័ត្រ។ ការការពារអតិផរណា៖ ទំនិញជាច្រើន ដូចជាមាស ប្រេង និងផលិតផលកសិកម្ម តាមទម្លាប់ត្រូវបានប្រើជាឧបករណ៍ការពារប្រឆាំងនឹងអតិផរណា។ ទ្រព្យសកម្មជាក់ស្ដែង៖ ទំនិញតំណាងឱ្យទ្រព្យសកម្មជាក់ស្ដែង។ ទោះជាយ៉ាងណា វាជាការសំខាន់ដែលត្រូវកត់សម្គាល់ថា តម្លៃទំនិញលើក្រដាសពេលខ្លះអាចខុសគ្នាបណ្ដោះអាសន្នពីតម្លៃទំនិញជាក់ស្ដែងក្នុងអំឡុងពេលទីផ្សារមានភាពតានតឹង ដែលមានន័យថាគម្លាតតម្លៃបានពង្រីកធំឡើង។ ការប៉ះពាល់សេដ្ឋកិច្ចពិភពលោក៖ ទំនិញជាញឹកញាប់ឆ្លុះបញ្ចាំងពីស្ថានភាពសេដ្ឋកិច្ចពិភពលោក និងអាចផ្ដល់ការយល់ដឹងអំពីសុខភាពឧស្សាហកម្ម និងតំបន់ជាក់លាក់។ ការគ្រប់គ្រងហានិភ័យ៖ សម្រាប់អាជីវកម្មដែលពាក់ព័ន្ធនឹងឧស្សាហកម្មដែលពឹងផ្អែកលើទំនិញ (ឧទាហរណ៍ កសិកម្ម ថាមពល ការផលិត) ទីផ្សារទំនិញផ្ដល់នូវវិធីគ្រប់គ្រងហានិភ័យតម្លៃតាមរយៈការការពារហានិភ័យ។ និន្នាការតាមរដូវកាល៖ ទំនិញជាច្រើនបង្ហាញពីលំនាំតម្លៃតាមរដូវកាល ដោយសារកត្តាដូចជាអាកាសធាតុ វដ្ដនៃការប្រមូលផល និងតម្រូវការអ្នកប្រើប្រាស់។ អ្នកជួញដូរអាចប្រើលំនាំពីអតីតកាលដើម្បីទស្សន៍ទាយចលនាតម្លៃ និងធ្វើការសម្រេចចិត្តជួញដូរប្រកបដោយព័ត៌មាន។ តម្លាភាព៖ ទីផ្សារទំនិញជាទូទៅមានតម្លាភាពខ្ពស់ ដោយមានព័ត៌មានគ្រឹះនៃការផ្គត់ផ្គង់ និងតម្រូវការអាចរកបានយ៉ាងងាយស្រួល។ តម្លាភាពនេះអាចជួយអ្នកជួញដូរធ្វើការសម្រេចចិត្តប្រកបដោយព័ត៌មាន។

ភាពខុសគ្នាសំខាន់ៗមានដូចខាងក្រោម៖ ភាពជាម្ចាស់កម្មសិទ្ធិទ្រព្យមូលដ្ឋាន៖ ក្នុងការជួញដូរទំនិញបែប Spot លោកអ្នកទិញ និងកាន់កាប់ទំនិញជាក់ស្ដែង ឬកិច្ចសន្យាដែលតំណាងឱ្យភាពជាម្ចាស់កម្មសិទ្ធិលើទំនិញនោះ។ ចំណែកឯការជួញដូរទំនិញតាមប្រភេទចំណេញបន្ថែម គ្មានភាពជាម្ចាស់កម្មសិទ្ធិលើទំនិញនោះទេ។ ផ្ទុយទៅវិញ លោកអ្នកកំពុងជួញដូរលើចលនាតម្លៃរបស់ទំនិញនោះ។ ការប្រគល់ និងការទូទាត់ ៖ កិច្ចសន្យា Spot ជាទូទៅពាក់ព័ន្ធនឹងការប្រគល់ទំនិញជាក់ស្ដែងនៅទីតាំង និងពេលវេលាកំណត់។ នេះជារឿងធម្មតាសម្រាប់ទំនិញកសិកម្ម និងថាមពល ដែលការប្រគល់ជាក់ស្ដែងគឺជាផ្នែកមួយនៃកិច្ចសន្យា។ ប្រភេទចំណេញបន្ថែមមិនពាក់ព័ន្ធនឹងការប្រគល់ជាក់ស្ដែងទេ។ ផ្ទុយទៅវិញ វាជាកិច្ចសន្យាដែលទូទាត់ជាសាច់ប្រាក់។ អនុភាព ៖ អនុភាពក្នុងការជួញដូរ Spot ជាទូទៅមានកម្រិតកំណត់។ ប្រសិនបើលោកអ្នកចង់ទិញទំនិញក្នុងបរិមាណជាក់លាក់ លោកអ្នកត្រូវបង់ថ្លៃទិញពេញលេញ។ ប្រភេទចំណេញបន្ថែមផ្ដល់នូវអនុភាពខ្ពស់ ដែលអនុញ្ញាតឱ្យអ្នកជួញដូរគ្រប់គ្រងការជួញដូរធំជាងដោយប្រើដើមទុនតិចតួចប៉ុណ្ណោះ។ ទោះបីជាវិធីនេះអាចបង្កើនប្រាក់ចំណេញសក្ដានុពលក៏ដោយ វាក៏បង្កើនការបាត់បង់សក្ដានុពលផងដែរ។ ការលក់ Short ៖ ជាមួយនឹងប្រភេទចំណេញបន្ថែម លោកអ្នកអាចលក់ Short លើទំនិញបាន។ បរិយាកាសផ្លូវច្បាប់ ៖ ការជួញដូរ Spot លើទំនិញជាក់ស្ដែង ជាញឹកញាប់ស្ថិតក្រោមតម្រូវការផ្លូវច្បាប់ និងភស្ដុភារផ្សេងៗ រួមទាំងការផ្ទុក ការដឹកជញ្ជូន និងស្ដង់ដារគុណភាព។ ការត្រួតពិនិត្យផ្លូវច្បាប់អាចខុសគ្នាអាស្រ័យលើយុត្តាធិការ និងប្រភេទទំនិញ។ ការចំណាយ ៖ ការជួញដូរ Spot អាចពាក់ព័ន្ធនឹងការចំណាយដូចជា ថ្លៃផ្ទុក ថ្លៃដឹកជញ្ជូន និងថ្លៃធានារ៉ាប់រង អាស្រ័យលើប្រភេទទំនិញ។ ក្រៅពីនេះ កម្រៃជើងសារ និងថ្លៃសេវាផ្សេងៗអាចនឹងត្រូវអនុវត្តផងដែរ។ ការជួញដូរប្រភេទចំណេញបន្ថែមគ្មានកម្រៃជើងសារទេ ប៉ុន្តែនឹងមានការចំណាយលើ Spread ជំនួសវិញ ហើយជាទូទៅមានការគិតថ្លៃហិរញ្ញវត្ថុប្រចាំថ្ងៃ (លើកលែងតែគណនីគ្មានការប្ដូរប្រាក់)។

សម្រាប់ប្រភេទចំណេញបន្ថែមលើទំនិញភាគច្រើន មិនមានតម្រូវការផ្ទុក ឬដឹកជញ្ជូនជាវត្ថុសម្ភារៈទេ។ ដោយសារប្រភេទចំណេញបន្ថែម (contracts for difference) គឺជាឧបករណ៍និស្សន្ទវត្ថុ ពួកវាអនុញ្ញាតឱ្យអ្នកជួញដូរទស្សន៍ទាយលើចលនាតម្លៃទំនិញ ដោយមិនចាំបាច់កាន់កាប់ទ្រព្យសកម្មជាក់ស្ដែងនោះទេ។ ប្រភេទចំណេញបន្ថែមត្រូវបានទូទាត់ជាសាច់ប្រាក់ ដោយផ្អែកលើភាពខុសគ្នានៃតម្លៃរវាងការបើក និងបិទស្ថានភាព។ ទោះជាយ៉ាងណាក៏ដោយ វាជារឿងសំខាន់ដែលត្រូវកត់សម្គាល់ថា ទំនិញមួយចំនួន ជាពិសេសនៅក្នុងទីផ្សារ futures អាចពាក់ព័ន្ធនឹងការដឹកជញ្ជូនជាវត្ថុសម្ភារៈ ប្រសិនបើស្ថានភាពត្រូវបានកាន់កាប់រហូតដល់ថ្ងៃផុតកំណត់កិច្ចសន្យា។ ក្នុងករណីបែបនេះ អ្នកជួញដូរប្រហែលជាត្រូវទទួលការដឹកជញ្ជូនជាវត្ថុសម្ភារៈ ឬបន្តកិច្ចសន្យាស្ថានភាពរបស់ខ្លួន ដើម្បីជៀសវាងកាតព្វកិច្ចនៃការដឹកជញ្ជូន។ វាចាំបាច់ណាស់ដែលត្រូវយល់ដឹងពីលក្ខខណ្ឌ និងលក្ខណៈបច្ចេកទេសនៃកិច្ចសន្យាទំនិញជាក់លាក់ដែលលោកអ្នកកំពុងជួញដូរ។

មានកត្តាផ្សេងៗដែលប៉ះពាល់ដល់តម្លៃទំនិញ ដូចជា៖ តម្រូវការ និងការផ្គត់ផ្គង់៖ តុល្យភាពរវាងការផ្គត់ផ្គង់ និងតម្រូវការគឺជាកត្តាចម្បងដែលជំរុញតម្លៃទំនិញ។ កត្តាដូចជាកម្រិតផលិតកម្ម ស្ថានភាពអាកាសធាតុ ព្រឹត្តិការណ៍ភូមិសាស្ត្រនយោបាយ និងការផ្លាស់ប្ដូរនៃទម្រង់ប្រើប្រាស់ អាចប៉ះពាល់ដល់ឌីណាមិកនៃការផ្គត់ផ្គង់ និងតម្រូវការ។ កត្តាសេដ្ឋកិច្ច៖ សូចនាករសេដ្ឋកិច្ច ដូចជាកំណើន GDP អតិផរណា អត្រាការប្រាក់ និងអត្រាប្ដូរប្រាក់រូបិយប័ណ្ណ អាចមានឥទ្ធិពលលើតម្លៃទំនិញ។ តម្លៃទំនិញជារឿយៗឆ្លុះបញ្ចាំងពីសុខភាពទូទៅនៃសេដ្ឋកិច្ចសកលឬតំបន់។ គោលនយោបាយរដ្ឋាភិបាល៖ បទប្បញ្ញត្តិរដ្ឋាភិបាល គោលនយោបាយពាណិជ្ជកម្ម ប្រាក់ឧបត្ថម្ភ ពន្ធគយ និងពាសន្ត អាចប៉ះពាល់ដល់តម្លៃទំនិញ។ ស្ថិរភាពនយោបាយ និងភាពតានតឹងភូមិសាស្ត្រនយោបាយក៏អាចមានឥទ្ធិពលធំដែរ។ ស្ថានភាពអាកាសធាតុ៖ លំនាំអាកាសធាតុ រួមទាំងគ្រោះរាំងស្ងួត ទឹកជន់ខ្យល់ព្យុះ និងគ្រោះមហន្តរាយធម្មជាតិផ្សេងទៀត អាចប៉ះពាល់ដល់ទំនិញកសិកម្ម និងទំនិញថាមពល (ឧទាហរណ៍ ខ្យល់ព្យុះដែលប៉ះពាល់ដល់ផលិតកម្មប្រេងនៅឈូងសមុទ្រម៉ិកស៊ិក)។ ការបង្កសេចក្ដីស្មានឮការសន្មត់ និងអារម្មណ៍របស់អ្នកជួញដូរ៖ សកម្មភាពជួញដូរដែលផ្អែកលើការស្មាន និងអារម្មណ៍របស់អ្នកជួញដូរ អាចជំរុញឱ្យមានការប្រែប្រួលតម្លៃទំនិញក្នុងរយៈពេលខ្លី។ តម្រូវការរបស់អ្នកជួញដូរចំពោះទំនិញ ជាវិធីការពារប្រឆាំងនឹងអតិផរណា ឬជាទ្រព្យសកម្មជម្រកសុវត្ថិភាព ក៏អាចមានឥទ្ធិពលលើតម្លៃផងដែរ។ កម្លាំងដុល្លារអាមេរិក៖ ដោយសារទំនិញភាគច្រើនកំណត់តម្លៃជា USD កម្លាំងនៃប្រាក់ដុល្លារដែលវាស់ដោយសន្ទស្សន៍ US Dollar Index (DXY) ប៉ះពាល់ដល់តម្លៃទំនិញតាមទិសដៅផ្ទុយគ្នា។