Deriv សហការជាមួយអ្នកជំនាញផ្នែកជួញដូរ Vince Stanzione ដើម្បីផ្ដល់ទស្សនវិស័យទីផ្សារឆ្នាំ 2026 ដោយឯករាជ្យ

• Vince Stanzione អ្នកជួញដូរដែលមានបទពិសោធន៍យូរឆ្នាំចែករំលែកប្រធានបទជួញដូរចំនួន 7 សម្រាប់ឆ្នាំ 2026
• បទពិសោធន៍ទីផ្សារជាង 40 ឆ្នាំ ត្រូវបានចងក្រងក្នុងរបាយការណ៍ផ្ដាច់មុខ ដែលផ្ដល់ជូនសម្រាប់អតិថិជន Deriv

ទីក្រុងឌូបៃ ប្រទេសអេមីរ៉ាតអារ៉ាប់រួម ថ្ងៃទី 16 ខែធ្នូ ឆ្នាំ 2025 — ថ្ងៃនេះ Deriv បានចេញផ្សាយរបាយការណ៍ «7 Trading Themes for 2026» ដែលជារបាយការណ៍ទស្សនវិស័យទីផ្សារផ្ដាច់មុខ និពន្ធដោយ Vince Stanzione អ្នកជួញដូរដែលមានបទពិសោធន៍យូរឆ្នាំ និងជាអ្នកនិពន្ធសៀវភៅលក់ដាច់។ ការវិភាគដ៏ទូលំទូលាយចំនួន 35 ទំព័រនេះ ផ្ដល់ជូនអតិថិជននូវការយល់ដឹងប្រកបដោយឯករាជ្យភាពលើប្រភេទទ្រព្យសកម្មជាច្រើន ខណៈដែលទីផ្សារកំពុងឆ្លងកាត់ឆ្នាំមួយនៃការផ្លាស់ប្ដូរនយោបាយ ការផ្លាស់ប្ដូរគោលនយោបាយរូបិយវត្ថុ និងសក្ដានុពលសកលដែលកំពុងវិវត្ត។

ជាមួយនឹងបទពិសោធន៍ជួញដូរជាង 40 ឆ្នាំ លោក Stanzione បានកំណត់អត្តសញ្ញាណប្រធានបទជួញដូរសំខាន់ៗសម្រាប់ឆ្នាំ 2026 រួមមានឱកាសក្នុងលោហធាតុមានតម្លៃ ទីផ្សារថាមពល ភាគហ៊ុនសកល រូបិយប័ណ្ណគ្រីបតូ និងរូបិយប័ណ្ណ។

នៅក្នុងរបាយការណ៍៖ ប្រធានបទចំនួន 7 ដែលអាចកំណត់រូបរាងឆ្នាំ 2026

«ទីផ្សារឡើងថ្លៃនៃមាស និងប្រាក់ ទោះបីជាមានការធ្លាក់ចុះបណ្ដោះអាសន្នក៏ដោយ នៅតែបន្តដដែល។»

ចាប់ពីលោហធាតុមានតម្លៃ រហូតដល់ភាពប្រែប្រួលនៃរូបិយប័ណ្ណគ្រីបតូ ឱកាសក្នុងទីផ្សារកំពុងរីកចម្រើន រហូតដល់ហេតុផលគួរឱ្យភ្ញាក់ផ្អើលចំពោះភាពរឹងមាំនៃប្រាក់ដុល្លារសហរដ្ឋអាមេរិក របាយការណ៍នេះវិភាគយ៉ាងច្បាស់លាស់ និងអាចអនុវត្តបាន។

1. អត្រាការប្រាក់សហរដ្ឋអាមេរិក និងឱកាសលើមូលបត្របំណុលរដ្ឋ (Treasury)
2. សន្ទុះរបស់មាស និងប្រាក់
3. ទស្សនវិស័យទីផ្សារប្រេង
4. ហានិភ័យនៃការប្រមូលផ្ដុំក្នុងទីផ្សារភាគហ៊ុនសហរដ្ឋអាមេរិក
5. ឱកាសតម្លៃក្នុងទីផ្សារកំពុងរីកចម្រើន
6. ភាពប្រែប្រួលនៃរូបិយប័ណ្ណគ្រីបតូ
7. ភាពធន់របស់ប្រាក់ដុល្លារសហរដ្ឋអាមេរិក

លោក Stanzione មានប្រសាសន៍ថា៖ «ខ្ញុំជាអ្នកគាំទ្រយ៉ាងខ្លាំងចំពោះ Deriv និងបេសកកម្មរបស់ពួកគេ ក្នុងការធ្វើឱ្យការជួញដូរអាចចូលដំណើរការបានយ៉ាងពិតប្រាកដសម្រាប់គ្រប់គ្នា។ របាយការណ៍នេះនាំមកនូវការស្រាវជ្រាវកម្រិតស្ថាប័នដល់អតិថិជន Deriv ដោយមិនតម្រូវឱ្យមានគណនីរាប់លានដុល្លារឡើយ។»

‍ «ឆ្នាំ 2026 មើលទៅហាក់ដូចជានឹងក្លាយជាទីផ្សារសម្រាប់អ្នកជួញដូរ មិនមែនសម្រាប់អ្នកកាន់កាប់រយៈពេលវែង (HODLer) ទេ។»

ការភ្ជាប់អតិថិជន Deriv ជាមួយអ្នកជំនាញដែលមានបទពិសោធន៍

«មានមនុស្សតិចណាស់ដែលបានជួញដូរឆ្លងកាត់ការកើនឡើង និងការធ្លាក់ចុះអស់រយៈពេលជាង 4 ទសវត្សរ៍។ លោក Vince បានឆ្លងកាត់វា ហើយរបាយការណ៍នេះឆ្លុះបញ្ចាំងពីបទពិសោធន៍នោះ» លោក Prakash Bhudia នាយកផ្នែកកំណើនអាជីវកម្ម (Chief Growth Officer) របស់ Deriv បានមានប្រសាសន៍ថា។ «ការវិភាគដោយឯករាជ្យភាពរបស់លោក Vince ផ្ដល់ឱ្យសហគមន៍របស់យើងនូវទស្សនវិស័យមួយបន្ថែមទៀតក្នុងការមើលទីផ្សារ។ នេះគឺជាគោលបំណងនៃកិច្ចសហការនេះ គឺការភ្ជាប់អ្នកជួញដូរជាមួយអ្នកជំនាញដែលមានបទពិសោធន៍ក្នុងទីផ្សារ។»

តាំងពីឆ្នាំ 1999 មក ក្រុមហ៊ុនបានប្រកាន់ខ្ជាប់នូវបេសកកម្មក្នុងការធ្វើឱ្យការជួញដូរអាចចូលដំណើរការបានសម្រាប់គ្រប់គ្នា គ្រប់ទីកន្លែង និងគ្រប់ពេលវេលា។ តាមរយៈកិច្ចសហការជាមួយអ្នកជំនាញផ្នែកទីផ្សារដែលមានបទពិសោធន៍ដូចជាលោក Stanzione Deriv ផ្ដល់ឱ្យអតិថិជននូវលទ្ធភាពទទួលបានទស្សនវិស័យទីផ្សារចម្រុះគ្នា។

របាយការណ៍នេះអាចទាញយកបានដោយឥតគិតថ្លៃ។ ទស្សនៈដែលបង្ហាញក្នុងរបាយការណ៍នេះ គឺជាទស្សនៈផ្ទាល់ខ្លួនរបស់អ្នកនិពន្ធ ហើយមិនតំណាងឱ្យដំបូន្មានហិរញ្ញវត្ថុពី Deriv ឡើយ។ អ្នកជួញដូរគួរធ្វើការស្រាវជ្រាវដោយខ្លួនឯង មុននឹងធ្វើការសម្រេចចិត្តជួញដូរ។ របាយការណ៍នេះក៏មានជាភាសាអេស្ប៉ាញ និងភាសាបារាំង។

អំពី Vince Stanzione

Vince Stanzione គឺជាអ្នកជួញដូរដែលក្លាយជាសេដ្ឋីម្ចាស់ទ្រព្យសម្បត្ដិរាប់លានដុល្លារដោយខ្លួនឯង ដោយមានបទពិសោធន៍ទីផ្សារជាង 40 ឆ្នាំ។ លោកគឺជាអ្នកនិពន្ធសៀវភៅលក់ដាច់បំផុតតាមការចាត់ថ្នាក់ដោយ New York Times ក្នុងចំណងជើង «The Millionaire Dropout» ហើយក៏ជាអ្នកនិពន្ធវគ្គសិក្សា «Making Money from Financial Spread Trading» ផងដែរ។ លោក Stanzione ធ្លាប់បានបង្ហាញខ្លួននៅក្នុងប្រព័ន្ធផ្សព្វផ្សាយជាង 200 កន្លែង រួមទាំង CNBC, Yahoo Finance, MarketWatch, Reuters, The Times, Financial Times និង The Guardian។ ទស្សនៈដែលបង្ហាញក្នុងរបាយការណ៍របស់លោក គឺជាការវិភាគឯករាជ្យផ្ទាល់ខ្លួនរបស់លោកផ្ទាល់។

អំពី Deriv

អស់រយៈពេល 26 ឆ្នាំមកហើយ Deriv បានប្ដេជ្ញាធ្វើឱ្យការជួញដូរអនឡាញអាចចូលដំណើរការបានសម្រាប់គ្រប់គ្នា គ្រប់ទីកន្លែង និងគ្រប់ពេលវេលា។ ក្រុមហ៊ុនត្រូវបានទុកចិត្ដដោយអ្នកជួញដូរជាង 3 លាននាក់នៅទូទាំងពិភពលោក ដោយផ្ដល់ជូននូវប្រភេទការជួញដូរយ៉ាងទូលំទូលាយ និងមានទ្រព្យសកម្មជាង 300 ប្រភេទនៅលើទីផ្សារដែលមានប្រជាប្រិយភាព តាមរយៈវេទិកាជួញដូរដែលងាយស្រួលប្រើ និងទទួលបានពានរង្វាន់។ ការប្ដេជ្ញាចិត្ដរបស់ក្រុមហ៊ុនចំពោះការច្នៃប្រឌិត និងការពេញចិត្ដរបស់អតិថិជន បានធ្វើឱ្យខ្លួនទទួលបានពានរង្វាន់ជាច្រើន រួមមានពានរង្វាន់ឈ្មួញកណ្ដាលមានតម្លាភាពបំផុត វេទិកាជួញដូរអនឡាញច្នៃប្រឌិតបំផុត និងលក្ខខណ្ឌជួញដូរល្អបំផុត។