Deriv ទទួលបានពានរង្វាន់ «សេវាគាំទ្រអតិថិជនល្អបំផុត» នៅកម្មវិធី Global Forex Awards
- គោលការណ៍ផ្ដល់អាទិភាពដល់អតិថិជនជាចំបងរបស់ Deriv ទទួលបានពានរង្វាន់ «សេវាគាំទ្រអតិថិជនល្អបំផុត» នៅកម្មវិធី Global Forex Awards ដែលជាឱកាសស្របគ្នានឹងខួបទី 25 ឆ្នាំនៃការផ្ដល់អំណាចដល់អ្នកជួញដូរ។
- ឆ្នាំ 2024 គឺជាឆ្នាំនៃជោគជ័យសម្រាប់ Deriv ដែលមុននេះក្នុងឆ្នាំនេះបានឈ្នះពានរង្វាន់ «ឈ្មួញកណ្ដាលដែលគួរឱ្យទុកចិត្តបំផុត» «បទពិសោធន៍ការជួញដូរល្អបំផុត» (LATAM) ប្រចាំឆ្នាំ 2024 និងពានរង្វាន់ «ឈ្មួញកណ្ដាលតំបន់ Latam ល្អបំផុត»។
ទីក្រុង Limassol ប្រទេស Cyprus ថ្ងៃទី 13 ខែកញ្ញា - Deriv ជាក្រុមហ៊ុនជួញដូរអនឡាញដែលមានការទទួលស្គាល់ជាសកលជាមួយនឹងកេរ្តិ៍ដំណែលជាង 25 ឆ្នាំនៃការទទួលបានទំនុកចិត្ត ការច្នៃប្រឌិត និងសេវាកម្ម ត្រូវបានទទួលស្គាល់សម្រាប់សេវាគាំទ្រអតិថិជនដ៏ឆ្នើមរបស់ខ្លួន ដោយឈ្នះពានរង្វាន់ «សេវាគាំទ្រអតិថិជនល្អបំផុត» នៅកម្មវិធី Global Forex Awards ដ៏ល្បីល្បាញ។
ពានរង្វាន់ «សេវាគាំទ្រអតិថិជនល្អបំផុត» ដែលស្របគ្នានឹងខួបទី 25 ឆ្នាំរបស់ Deriv គឺជាការទទួលស្គាល់ចំពោះការប្ដេជ្ញាចិត្តដ៏រឹងមាំរបស់ក្រុមហ៊ុនក្នុងការផ្ដល់ជូនអតិថិជននូវបទពិសោធន៍ដ៏រលូននិងមានការគាំទ្រពេញលេញ ដែលជាការបញ្ជាក់បន្ថែមពីការប្ដេជ្ញាចិត្តរបស់ពួកគេក្នុងការបង្កើតបរិយាកាសការជួញដូរដ៏ល្អឥតខ្ចោះ។
ជោគជ័យរបស់ក្រុមហ៊ុនក្នុងរយៈពេល 25 ឆ្នាំកន្លងមកនេះ ត្រូវបានកសាងឡើងលើមូលដ្ឋានគ្រឹះនៃការផ្ដល់អាទិភាពដល់អតិថិជន។ Deriv ផ្ដល់ជូននូវធនធានអប់រំផ្តាច់មុខ លក្ខខណ្ឌជួញដូរប្រកួតប្រជែង វេទិកាងាយស្រួលប្រើប្រាស់ និងផលិតផលប្រកបដោយភាពច្នៃប្រឌិត។ ក្រុមហ៊ុនក៏បានវិនិយោគជាប្រចាំដើម្បីកសាងសេវាគាំទ្រអតិថិជនដ៏រឹងមាំ តាមរយៈ មូលដ្ឋានចំណេះដឹង មជ្ឈមណ្ឌលជំនួយ ការជជែកផ្ទាល់ និងសេវា WhatsApp ដើម្បីធានាថាអតិថិជនទទួលបានការគាំទ្រទាន់ពេលវេលា និងមានប្រសិទ្ធភាព។
លោក Rakshit Choudhary សហនាយកប្រតិបត្តិរបស់ Deriv មានប្រសាសន៍ថា៖ «អតិថិជនរបស់យើងគឺជាចំណុចស្នូលនៃអ្វីគ្រប់យ៉ាងដែលយើងធ្វើ។ ការទទួលស្គាល់នេះឆ្លុះបញ្ចាំងពីកិច្ចខិតខំប្រឹងប្រែងដ៏ស្វិតស្វេញរបស់ក្រុមគាំទ្រអតិថិជនរបស់យើង ដែលតែងតែលើសពីការរំពឹងទុកក្នុងការជួយអតិថិជនរបស់យើង។ ក្នុងឱកាសដែលយើងអបអរខួបទី 25 ឆ្នាំរបស់ Deriv យើងសូមបញ្ជាក់ឡើងវិញនូវការប្ដេជ្ញាចិត្តរបស់យើងក្នុងការផ្ដល់សេវាគាំទ្រអតិថិជនដ៏ឆ្នើម និងផ្ដល់អំណាចដល់អ្នកជួញដូរនៅទូទាំងពិភពលោក»។
«ការទទួលស្គាល់ដ៏មានកិត្យានុភាពនេះ ជាការបញ្ជាក់ចំពោះការប្ដេជ្ញាចិត្តរបស់យើងចំពោះការច្នៃប្រឌិត និងពង្រឹងទំនុកចិត្តដែលអតិថិជនរបស់យើងផ្ដល់ឱ្យយើង។ វាជាការលើកទឹកចិត្តដល់យើងឱ្យបន្តលើកកម្រិតស្តង់ដារថ្មីក្នុងឧស្សាហកម្ម និងផ្ដល់អាទិភាពដល់ការពេញចិត្តរបស់អតិថិជនក្នុងអ្វីគ្រប់យ៉ាងដែលយើងធ្វើ» នេះជាប្រសាសន៍របស់លោកស្រី Jeyavarthini Vairakanan អនុប្រធានផ្នែកបទពិសោធន៍អតិថិជន។
គោលការណ៍គាំទ្រអតិថិជនរបស់ Deriv ត្រូវបានកសាងឡើងលើភាពស្មោះត្រង់ ការឆ្លើយតបទាន់ពេលវេលា និងជំនាញឯកទេស។ ក្រុមហ៊ុនយល់ដឹងថាការជួញដូរអាចមានភាពស្មុគស្មាញ ហើយខិតខំធ្វើឱ្យដំណើរនេះមានភាពរលូនបំផុតសម្រាប់អតិថិជនរបស់ខ្លួន។ មិនថាការឆ្លើយសំណួរធម្មតា ឬការដោះស្រាយបញ្ហាស្មុគស្មាញជាងនេះទេ ក្រុមគាំទ្ររបស់ Deriv តែងតែត្រៀមខ្លួនជាស្រេចដើម្បីជួយ ហើយបានវិនិយោគលើការផ្ដល់ជូនឯកសារអប់រំ និងសៀវភៅអេឡិចត្រូនិកសម្រាប់អ្នកជួញដូរគ្រប់កម្រិត។
